Siyasət

Şoyqu Qarabağdakı əsas hədəflərini AÇIQLADI

“Bu günlərdə Qarabağ ərazisində 23 müşahidə məntəqəsi qurmuşuq”

AnTV.az “Novosti Armeniya”ya istinadən xəbər verir ki, bu barədə Rusiyanın Müdafiə naziri Sergey Şoyqu Yerevanda Ermənistanın baş naziri Nikol Paşinyanla görüşündə bildirib.

S.Şoyqu Qarabağdakı əsas hədəflərini də açıqlayıb:

“Bəyanat imzalanandan sonra qısa bir müddət ərzində sülhməramlıları bölgəyə yerləşdirdik. Dünən (noyabrın 20-də – red.) bu proses başa çatdı. Biz Xankəndinə gedən yola, Laçın dəhlizinə nəzarət edirik. Xanəkəndindən köçənlərin geri qayıtmasını və hərəkətin təhlükəsizliyini təmin edirik. Bizim əsas hədəfimiz qan tökülməsinin qarşısının alınmasıdır. Biz bütün məsələləri, o cümlədən hərbi və hərbi-texniki istiqamətdə əməkdaşlıqları müzakirə edəcəyik”, – Şoyqu bildirib.

Xatırladaq ki, noyabrın 21-də S.Şoyqu N.Paşinyanla görüşüb.