İran hökuməti: Həsən Ruhani istefa verməyəcək

0
18
Prezident Həsən Ruhani istefa verməyəcək. Bu məsələ gündəmdə deyil.
AnTV.az xəbər verir ki, bu sözləri İran hökumətinin rəsmi nümayəndəsi Əli Rəbbi dekabrın 16-da keçirdiyi mətbuat konfransında deyib. O bildirib ki, prezidentin istefasını heç kim istəmir və dəstəkləmir.

Qeyd edək ki, bu məsələ təsadüfən meydana çıxmayıb. Son günlər İranın siyasi dəhlizlərində və mətbuatda prezidentin istefa vermək məcburiyyətində qalacağı barədə müzakirələr gedir. Ötən həftə yerli mətbuatda Xarici İşlər naziri Məhəmməd Cavad Zərifin də istefa verəcəyi ilə bağlı məlumatlar dərc olunmuşdu. Lakin nazir bəyan etdi ki, o, istefa verməyib və vəzifəsini yerinə yetirməkdədir.

İranda sosial-iqtisadi problemlər dərinləşdikcə, bu kimi məlumatların sayı da artır. İran ictimaiyyəti hesab edir ki, Ruhani-Zərif siyasəti ölkəyə heç bir dividend gətirmir.

AnTV.az

BIR CAVAB YAZIN

Şərhinizi daxil edin
Xahiş edirik adınızı daxil edin