ABŞ-da azərbaycanlı evində güllələndi

0
17

ABŞ-ın Pensilvaniya ştatının Vayomissinq rayonunda azərbaycanlının evinə silahlı basqın olub.

AnTV.az Oxu.az-a istinadən xəbər verir ki, , insident yerli vaxtla axşam 22:00 radələrində Birçvud küçəsində baş verib.

Polisin məlumatına görə, 37 yaşlı bank işçisi Nail Salamov naməlum şəxslər tərəfindən güllələnib. Silahlılar yataq otağına daxil olaraq onun gözünə gözyaşardıcı sprey vurub, daha sonra qol nahiyəsindən güllələyiblər. Hadisə vaxtı evdə onun səkkiz və 10 yaşlı uşaqları olub. Cinayətkarların uşaqlara toxunmadığı bildirilir.

Uşaqlar heç bir halda belə şeyləri görməməlidirlər. Biz onlara görə çox narahatıq. Uşaqlar evdə ola-ola belə cinayəti törətməyə necə əlləri gəlir?! Biz mütləq cinayət izləri əsasında silahlı basqını həyata keçirənlərin kimliyini müəyyən edəcəyik”, – deyə rayonun baş prokuroru Con T.Adams bildirib.

Salamov Ridinq xəstəxanasına aparılan zaman təcili tibbi yardım işçilərinə evinə iki nəfərin daxil olduğunu və onu güllələdiyini bildirib.

Həkimlərin səylərinə baxmayaraq, onun həyatını xilas etmək mümkün olmayıb.

Baş prokuror Adams cinayətkarların yaxalanması üçün həmin radələrdə iki qaradərili şübhəlini görən şəxslərin hüquq-mühafizə orqanlarını bu barədə məlumatlandırmasını istəyib. O, eyni zamanda, yaxınlıqdakı müşahidə kameralarındakı qeydlərin araşdırıldığını dilə gətirib.

Hüquq-mühafizə orqanları hadisənin Salamova qarşı sui-qəsd olduğunu ehtimal edir. Cinayətin motivləri bəlli deyil.

Onu da qeyd edək ki, Azərbaycanlı bankirin öldürülməsi həmin rayonun polis bölməsi tərəfindən son beş ildə qeydə alınmış ilk adam öldürmə faktıdır.

Uşaqların həmin evdə yaşayan babalarının himayəsinə verildiyi bildirilir. Baba cinayət vaxtı işdə olub.

 

AnTV.az

BIR CAVAB YAZIN

Şərhinizi daxil edin
Xahiş edirik adınızı daxil edin